Tuesday, March 29, 2011

Planeta ng mga Symbiotes (QuickieComics.com)

http://quickiecomics.com

Bago ang lahat, ako nga pala si Peter "Punker", kilala rin bilang si Spider-"punk"--ang 4-1/4" alter ego ng isa sa pinakasikat na karakter sa unibersong Marvel. Kung si Spider-man ay kinagat ng gagamba, sinamang-palad naman akong malunok ito kaya't nagmukha tuloy akong anime, at binansagang Manga Spidey! Kahit paano, pinagkalooban ako ng 16 na punto ng artikulasyon ng ToyBiz noong 2003 (SMC5). Sa kabila ng mga di-proporsiyong parte ng katawan (super-deformed), may pasunod sa aking dingding na pwede kong taas-babang akyatin.







Itim at puti, two-tone: ito ang basikong itsura ng "living costume" na gawa ng alien symbiote. Lumabas noong 2004 sa Series 9 ng linyang Spider-Man Classic[s] ng TB bilang reissue ng orihinal na SMC1 (2001), ang 6" Black Spidey na ito ay may 40 dugtungan sa katawan at may kasamang pulang glider na may firing missile! Ang moldeng ito ang siya ring nagsilbing katawan ni Daredevil.







Bagama't naglalaro sa bughaw at itim ang kasuotan, ang 2002 Venom (SMC4) ay may taas na 6-3/4" at hinalaw sa hulmang disenyo ng Art Asylum para kay Lasher (1997) sa "Planet of the Symbiotes", kaya't di nakapagtatakang limitado ang artikulasyon nito sa 18. Sa kabila nito, bumawi ang TB sa paggawa ng astig na symbiote base (taas) na maraming galamay at pwedeng lagyan ng berdeng slime sa bumbunan pababa sa bibig nito--animo'y isang malaking palakang naglalaway!







Bukod sa nakuhang lahat ang katangian ni Spidey, hindi rin kayang tiktikan ng "spider sense" si Venom at para itong hunyangong nakapagkukubli sa kanyang paligid. Ginawa noong 2006 (SMC16), ang 7" Venom sa taas ay may 36 na points of articulation at dilang pagkahaba-haba. Kahit di naikikilos ang ulong gawa sa goma (rubber-faced), may buton ito sa likod na bahagyang nagpapagalaw sa kanyang panga't baba. Maskulado ang pagkakaukit ng figure at buhay na buhay ang mga ugat at kalamnan--walang panama rito ang Sabretooth-repaint Venom ng ML Sinister Six boxset noong 2004! Dahil sa ganda ng sculpt, may ni-release ding "stealth" (clear version) ang TB sa SMC18.







Kasama sa unang bugso ng SMC noong 2001, ang Venom na ito ay may tangkad na 7-1/2" at nasa pormang "mid-transformation" mula tao patungo sa pagiging symbiote. Kapansin-pansin dito ang mala-bibeng mukha (duck-faced), ang mahahabang daliri sa kanang kamay, at ang tila alkitrang unti-unting bumabalot sa kaliwang binti nito. Datapwa't limitado sa 18 punto ng artikulasyon, mahusay ang pagkakalilok nito na maihahalintulad sa estatwang kolektibol (stat). May sarili rin itong base na nagpapakita ng isang nakatumba't nasasaputang Guardsman.







Ito ang kasalukuyang itsura ni Venom matapos mapasalin kay Scorpion (MacDonald "Mac" Gargan) ang itim na alien symbiote ni Brock. Tulad ng tradisyon, nakikipagpaligsahan ang 7" fig na ito sa pahabaan ng dila. Gawa ng Hasbro noong 2008 at binubuo ng 34 na dugtungan, kakaiba ito sa mga nakaraang bersiyon ni Venom dahil ito lamang ang may balls--eyeballs (na kulay pula)! Bukod-tangi rin ang detalyadong detachable stinger nito sa likod na may habang 7-1/2" at tila ba itinulad sa totoong buntot ng isang alakdan.







Mula sa pagiging itim ay naging pula ang dominanteng kulay ng symbiote, salamat kay Carnage. Ginawa ng TB noong 2006 bilang reissue sa SMC Villain Series, tumitindig ito ng 6-1/4" at may 40 joints sa katawan. Lumabas din sa Fearsome Foes boxset (2005) ng Marvel Legends, naiiba ang porma ni Carnage sa ibang symbiote dahil siya lamang ang walang dila, ni prominenteng mga ngipin! Sinamahan ng TB ng collapsible base ang pigurang ito.







Si Toxin (Patrick Mulligan) ang pangatlong symbiote at ang kauna-unahang naging kaalyado ni Spider-Man sa pakikipaglaban kina Venom, Carnage, atbp.--dala na rin siguro ng pagiging pulis ng host nito. Umaabot sa 6 na pulgada at may 29 na punto ng artikulasyon, lumabas ang spawn na ito ni Carnage noong 2006 sa ika-19 at huling serye ng SMC.

http://quickiecomics.com

Monday, March 21, 2011

Dashboard Confessional's "Bend and Not Break"

by Zernain Villain for his absent friends, Sarah and Tin--they will be missed.

I catalog these steps now
Decisive and intentioned
Precise and patterned specifically to yours

I'm talented at breathing
Especially exhaling
So that my chest will rise and fall with yours

I'm careful not to wake you
Fearing conversation
It's better just to hold you and keep you pacified

I'm talented with reason
I cover all the angles
I can fail before I ever try

Try to understand there's an old mistake that fools will make
And I'm the king of them pushing everything that's good away so

Won't you hold/rock me now (I will not bend, I will not break/For you I rise, for you I fall)

I'm fairly agile
I can bend and not break
Or I can break and take it with a smile

And I'm so resilient
I recover quickly
I'll convince you soon that I'm fine

Just hold me close to you

Wikipediang Tagalog: Punk, Musika (PinoyPunk.com)

http://pinoypunk.com My wiki entry continued: http://tl.wikipedia.org/wiki/Punk#Garage_rock_at_Mod



Punk / Musika

Garage rock at Mod

Kalagitnaan ng 1960s nang pumutok ang garage rock sa Estados Unidos na isa sa naging ninuno ng punk rock. Tinawag na "garage" rock sapagka't karamihan sa mga baguhang banda ay binubuo ng mga tinedyer na mula sa panggitnang uri na kadalasa'y nag-eensayo sa garahe ng kani-kanilang bahay sa paligid-lungsod.12 Dahil sa walang-karanasan sa musika at pagtugtog ng instrumento, karaniwan nang paungol ang pag-awit--kundi man pasigaw, distorted ang tunog ng gitara--salamat sa "fuzzbox", at humigit-kumulang sa tatlo ang chords--tulad na lamang ng kantang "Louie, Louie" na kinober ng The Kingsmen.13 Ang minimalistang tunog ng garage rock ay naimpluwensiyahan ng British Invasion gaya ng mga bandang mod sa Ingglatera na The Small Faces at The Who--nagpasikat sa awiting "My Generation". Tulad ng kantang "All Day and All of the Night" ng The Kinks, ang "predecessors of the whole three-chord genre--the Ramones' 1978 'I Don't Want You,' for instance, was pure Kinks-by-proxy."14 Bagama't di maikakategoriyang punk rock, marami sa mga bandang garage rock ang isa sa mga unang binansagan ng "punk" ng midya.

Proto-punk

Mula huling bahagi ng 1960s hanggang unang bahagi ng 1970s, naglitawan ang mga grupong magkakaiba ang tunog nguni't maituturing na impluwensiyal sa pagsilang ng punk rock. Ayon sa gabay ng Allmusic, kabilang ang mga nasabing banda sa bansag na proto-punk bagama't hindi ito "cohesive movement, nor was there a readily identifiable proto-punk sound that made its artists seem related at the time," at ang tanging nagbibigkis sa isa't isa ay ang kani-kanilang aktitud o itsura na "consciously subversive and fully aware of its outsider status."15

Sumulpot noong 1969, ang debut albums ng dalawang grupong garage rock mula sa Michigan ang magiging sentral sa tunog ng proto-punk: ang Kick Out the Jams ng MC5 mula sa Detroit, kung saan "most of the songs are barely distinguishable from each other in their primitive two-chord structures" na maikukumpara sa tugtugan ng mga naunang bandang garaheng bato gaya ng Blue Cheer, ? and the Mysterians, at The Kingsmen;16 at ang self-titled album ng The Stooges sa pangunguna ng bokalista nitong si Iggy Pop--itinuturing na "Godfather of Punk"--na tila ba "sound of Chuck Berry's air-mobile after thieves stripped it for parts."17 Ang The Stooges ay pinrodyus ni John Cale ng grupong experimental rock sa New York na The Velvet Underground--na may "reputation as the first underground rock band."18 Samantala, maimpluho rin ang bandang The Modern Lovers ni Jonathan Richman na isang deboto ng V.U. sa Boston.

Bukod sa mga nabanggit, ang ilan pang pangkat o indibidwal na malaki ang naiambag sa pagdebelop ng punk rock ay ang glam na The New York Dolls, ang Rocket from the Tombs, sina Lou Reed (ex-V.U.) at Captain Beefheart, ang elektronikang duo na Suicide, at ang triong Death mula sa Amerika; si David Bowie, ang space rock na Hawkwind, at ang mga grupong art rock na Roxy Music at Doctors of Madness mula sa Ingglatera; at ang krautrock naman na Neu! mula sa Alemanya.

Reperensiya

12. Abbey (2006), p. 74.
13. Sabin (1999), p. 157.
14. Harrington (2002), p. 165.
15. "Proto-punk" mula sa Allmusic.com
16. Bangs, Lester. "MC5: Kick Out the Jams" rebyu, Rolling Stone, 5 April 1969.
17. Marcus (1979), p. 294.
18. Taylor, p. 49.

Sanggunian

Abbey, Eric James (2006). Garage Rock and Its Roots: Musical Rebels and the Drive for Individuality (N.C: McFarland & Co).
Harrington, Joe S. (2002). Sonic Cool: The Life & Death of Rock 'n' Roll (Milwaukee: Hal Leonard).
Marcus, Greil, ed. (1979). Stranded: Rock and Roll for a Desert Island (New York: Knopf).
Sabin, Roger (1999). Punk Rock, so What? The Cultural Legacy of Punk (London: Routledge).
Taylor, Steven (2003). False Prophet: Field Notes from the Punk Underground (Middletown: Wesleyan University Press). http://pinoypunk.com

Tuesday, March 15, 2011

Wikipediang Tagalog: Punk, Etimolohiya (PinoyPunk.com)

http://pinoypunk.com My latest wiki entry: http://tl.wikipedia.org/wiki/Punk#Etimolohiya



Punk

Ang punk ay isang subkulturang kinabibilangan ng iba't ibang pilosopiya, ideolohiya, at porma ng ekspresyon sa musika, pananamit, sayaw, literatura, pelikula, at sining biswal na nagmula o naimpluwensiyahan ng tugtugang punk rock at mga subhenre nito. Maituturing itong kontra-kultura dahil maraming aspekto nito ang sumasalungat sa mga dominanteng pag-aasal at paniniwala ng lipunan.

Etimolohiya

Mula ika-16 hanggang ika-18 siglo ay popular na ang terminong "punk" sa Ingglatera na may negatibong kahulugan bilang "isang puta, patutot, butangero, gangster o sanggano". Gayundin ang pakahulugan ni William Shakespeare sa kanyang mga komedyang The Merry Wives of Windsor1 (1602) at Measure for Measure2 (1623). Di rin nalalayo ang pakahulugan ng mga modernong diksiyunaryong Ingles na "isang bagay o tao na inutil at walang kuwenta".

Sa Estados Unidos unang ginamit ang katawagang "punk rock" noong 22 Marso 1970 sa diyaryong Chicago Tribune nang ilarawan ni Ed Sanders (bokalista ng The Fugs) ang kanilang solo album bilang "punk rock--redneck sentimentality".3 Nailathala naman sa Disyembre 1970 isyu ng magasing Creem ang panunuya ng peryodistang si Lester Bangs nang ipalagay niya ang mga bandang mainstream "who never make fools of themselves the way that Stooge punk does" bilang paghahambing kay Iggy Pop (bokalista ng The Stooges).4 Si Dave Marsh ang unang kritiko ng musika na gumamit nito sa Mayo 1971 isyu ng Creem nang ilarawan niya ang bandang ? and the Mysterians bilang isang "landmark exposition of punk rock".5 Naisulat din noong 1971 ni Greg Shaw sa kanyang fanzine na Who Put the Bomp: "what I have chosen to call 'punk rock' bands--white teenage hard rock of '64-'66 (Standells, Kingsmen, Shadows of Knight, etc.)".6 Nagkaroon naman ng "Punk Top Ten" sa fanzine na Flash noong Hunyo 1972 bilang pagraranggo sa mga album na lumabas noong 1960s.7 Mayo 1973 nang lumabas ang panandaliang magasing pangkolehiyo na Punk ni Billy Altman.8 Mayo rin ng sumunod na taon, 1974, nirebyu ng kritikong si Robert Hilburn sa Los Angeles Times ang pangalawang album ng New York Dolls at nagbanggit na "perhaps the best example of raw, thumb-your-nose-at-the-world, punk rock since the Rolling Stones'..."9

Pagpasok ng 1975, ginagamit na ang salitang "punk" bilang pagkategorya sa kung sinu-sino at magkakaibang bandang rock sa Amerika. Kasabay nito ang pagsikat ng eksena sa isang rock club sa New York na kung tawagin ay CBGBs. Bagamat "street rock" ang bansag ng may-ari ng club na si Hilly Kristal sa nabubuong kilusang underground sa kanyang lugar, ang magasing The Aquarian ang nagbinyag dito ng katagang punk "to describe what was going on at CBGBs".10 Huling bahagi ng taon nang pumasok sa eksena ang fanzine na Punk (katukayo ng nauna) na sinimulan ng kartunistang si John Holmstrom, manunulat na si Legs McNeil, at pabliser nitong si Ged Dunn--na pawang magkakaklase sa hayskul. Krusyal ang pagpasok ng Punk sa eksena sapagkat ito ang nagkodipika ng nasabing termino. Ayon kay Holmstrom: "It was pretty obvious that the word [punk] was getting very popular. We figured we'd take the name before anyone else claimed it. We wanted to get rid of the bullshit, strip it down to rock 'n' roll. We wanted the fun and liveliness back."11

Reperensiya

1. "This punk is one of Cupid's carriers:..." sabi ng karakter na si Pistol.
2. "My lord, she may be a punk;..." at "Marrying a punk, my lord, is pressing to death,..." sabi ng karakter na si Lucio.
3. Shapiro (2006), p. 492.
4. Bangs, Lester. "Of Pop and Pies and Fun", Creem. Disyembre 1970.
5. Shapiro, p. 492.
6. Gendron (2002), p. 348.
7. Taylor (2003), p. 16.
8. Laing (1985), p. 13; "Punk Magazine Listening Party # 7", Punk Magazine, 20 Hulyo 2001.
9. Hilburn, Robert. "Touch of Stones in Dolls' Album", Los Angeles Times. 7 Mayo 1974.
10. Savage (1991), pp. 130-131.
11. Savage, p. 131.

Sanggunian

Gendron, Bernard (2002). Between Montmartre and the Mudd Club: Popular Music and the Avant-Garde (Chicago: University of Chicago Press).
Laing, Dave (1985). One-Chord Wonders: Power and Meaning in Punk Rock (Philadelphia: Open University Press).
Savage, Jon (1991). England's Dreaming: The Sex Pistols and Punk Rock (London: Faber and Faber).
Shapiro, Fred (2006). Yale Book of Quotations (New Haven: Yale University Press).
Taylor, Steven (2003). False Prophet: Field Notes from the Punk Underground (Middletown: Wesleyan University Press).

Kawing na panlabas

The First Wave of Pinoy Punk (1976-1990) http://pinoypunk.com

Monday, March 14, 2011

Star Wars: The Ultimate Visual Guide



Author: Ryder Windham
Publisher: Dorling Kindersley Publishing, Inc.
First printing: 2005
Language: English
Page count: 144

1977: Dalawang pangyayari ang mag-iiwan ng malalim na impluwensiya sa pandaigdigang kultura at magdudulot ng maraming pagbabago sa dalawang industriya--(1) ang punk rock sa larangan ng musika at (2) ang Star Wars sa paggawa ng pelikula. Inilimbag kasabay ng paglabas sa sinehan ng huling yugto ng SW, ang aklat na ito ay tumatalakay sa kronolohiya (continuity) ng SW ayon sa anim na episodyong pelikula at sa mga naisulat na kuwento sa komiks ukol dito. Historikal ang pag-atake sa paksa kaya't mas binigyang-diin ng libro ang mga kaganapan kaysa mga pangunahing karakter, behikulo, armas, atbp. na siyang nakagawian na. Kung gaano kahitik sa makukulay na larawan at drowing ang kompilasyon, matipid naman sa salita at direkta sa punto ang banat sa mga datos at deskripsiyon nito.



Kung merong B.C. at A.D. ang istorya ng tao sa mundo, mayroon namang B.B.Y. (Before--) at A.B.Y. (After the Battle of Yavin) ang kasaysayan ng mga aliens sa SW universe. Sa pagitan ng 32 BBY at 4 ABY naganap ang mga pinakaimportanteng tagpo na naisapelikula bilang Episodes I-VI.



Lightsabers, deflector/ energy shields, hyperspace travel, anti-gravity devices, repulsorlift vehicles, tractor beams, holoprojectors, blasters, at droids--ito ay ilan lamang sa mga teknolohiyang kathang-isip nguni't kapani-paniwala sa agham ng SW (na di-malayong mangyari sa madaling hinaharap).



Sa pula, sa puti; magkabilaan ang mundo at gayundin sa daigdig ng SW--may mabuti at masama. May Jedi Order at may Sith Lords (Dark Jedi). Magkaibang paniniwala nguni't parehong nananalig sa kapangyarihan at gamit ng di-nakikitang Force (midichlorians) at sableng-liwanag sa pakikipagtunggali.



Dalawahan din ang training, mapa-Jedi man o Sith. May titser at estudyante. May master (tutor) at may apprentice (padawan). Si Qui-Gon Jinn, may Obi-Wan Kenobi--gaya ni Darth Sidious na may Darth Maul. Balang araw, ang mag-aaral ay magiging guro rin--kukuha ng baguhang tuturuan sa espadahan at pagpapasahan ng lihim na karunungan.



Tulad ng United Nations ng mga bansa sa sangkalupaan, may Galactic Republic naman ang mga planeta sa kalawakan. Kung may Security Council ang UN, may Galactic Senate at Jedi High Council ang SW. Katumbas ng Secretary General sa UN ang Supreme Chancellor sa SW.



Episode I: The Phantom Menace--maihahalintulad sa mga monopolyong kapitalistang MNCs (multinational companies) ang Trade Federation ni Viceroy Nute Gunray na kukubkob sa Naboo sa pamamagitan ng droid army, bunsod ng misteryosong Sith master na si Darth Sidious. Sa tulong ng dalawang Jedi na sina Qui-Gon Jinn at Obi-Wan Kenobi, mapapalaya ang planeta, ang reyna nitong si Queen Padme Amidala, at ang mga katutubong Gungans na nakatira rito. Madidiskubre ni Qui-Gon sa disyertong planeta ng Tatooine ang batang alipin at mangangarera na si Anakin Skywalker--ang sinasabing "chosen one" na magdadala ng balanse sa Force. Mahahalal bilang Supreme Chancellor si Senator Palpatine ng Naboo sa planetang siyudad ng Coruscant at mapapatay ng Sith apprentice na si Darth Maul si Qui-Gon, samantalang mapapatay naman ito ni Obi-Wan. Kukupkupin bilang apprentice ni Obi-Wan si Anakin tulad ng naipangako niya sa nasirang guro sa kabila ng mahigpit na pagtutol ng master Jedi na si Yoda.



Episode II: Attack of the Clones--gaya ng ilang sesesyonistang Muslim sa Pinas, papanig sa Confederacy of Independent Systems ni Count Dooku at titiwalag sa republika ang mga samahan ng Trade Federation, InterGalactic Banking Clan, Commerce Guild, at Techno Union. Tulad noong martial law, gagawaran ng emergency powers si Palpatine upang maging diktador at sugpuin ang namumuong insurgency. Tatapatan ang hukbong droid ng mga insureksiyonista at bubuo ng clone army ang republika sa mabagyong planeta ng Kamino sa tulong ng bayarang mersenaryong si Jango Fett, bagama't mapapatay ito sa huli. Dahil sa isang pangitain, babalik sa Tatooine si Anakin upang iligtas ang nagdurusang ina. Huli na ang lahat kaya't ipaghihiganti ang pumanaw na inang si Shmi at pupuksain ang isang tribo ng Tusken Raiders na may sanhi nito--babae, bata't matanda. Lulusubin ng mga Jedi ang taguan ni Dooku (kilala rin bilang si Darth Tyranus) sa planetang Geonosis subali't makakatakas ito papunta sa kanyang Sith master sa Coruscant, matapos putulan ng kamay si Skywalker. Bagama't apprentice ni Obi-Wan, lalabag sa kodigong Jedi si Anakin at lihim na magpapakasal kay Padme na napaibig sa kanya.



Episode III: Revenge of the Sith--kunway dinukot si Palpatine kaya't ililigtas siya nina Obi-Wan at Anakin mula sa kamay ni General Grievous, kung saan mapapatay ni Skywalker si Dooku. Samantala'y matutunton ni Obi-Wan at mapapatay rin ang nakatakas na si Grievous sa planetang Utapau. Mapagtatanto ng Jedi Council ang dilim na lumulukob sa katauhan ni Palpatine at aatasan si Anakin na tiktikan ito. Habang nanonood ng palabas sa Galaxies Opera House, ipagtatapat ni Palpatine kay Skywalker ang trahedya ni Darth Plagueis na may kapangyarihang bumuhay ng patay. Dahil bigo siyang iligtas ang kanyang sariling ina at madalas niyang mapanaginipan ang natatakdang pagkamatay ng asawang si Padme sa panganganak, maeengganyo si Anakin sa lakas ng dark side. Nang aarestuhin na ng Jedi master na si Mace Windu si Palpatine, babaligtad ng panig si Skywalker--sanhi upang mapatay si Windu ni Darth Sidious na walang iba kundi ang chancellor! Sa ginawang ito ni Anakin, papangalanan siyang Darth Vader ni Sidious at kukuhaning tagasunod. Tulad ng pagmasaker niya sa isang tribo ng taong-buhangin sa Tatooine, uubusin ni Vader ang mga mag-aaral sa Jedi Temple at walang ititirang buhay. Kasabay nito, ibababa ni Palpatine ang Order 66 na nag-uutos patayin ang lahat ng Jedi na diumano'y nagtaksil sa republika. Magtutungo si Anakin sa mabulkang planeta ng Mustafar upang lipulin ang mga separatistang ang may gawa rin ay si Sidious. Magduduwelo sina Obi-Wan at Skywalker, datapwa't matatalo ang huli't mapuputulan ng isang braso't mga binti. Sasagipin ni Palpatine ang naghihingalong si Anakin at bibigyan ng bagong buhay sa bakal na katawan. Samantala, tulad ng hula, mamamatay si Padme sa pagluluwal ng kambal nilang anak--lingid sa kaalaman ni Vader. Mula noon, ang republika ay kikilalanin na bilang Galactic Empire, at si Palpatine, bilang Emperor. May mangilan-ngilang Jedi ang matitira at mas pipiliing magtago muna gaya nina Obi-Wan at Yoda.



Episode IV: A New Hope--mula dekada '90-'00, flashback sa dekada '70-'80. Dadakpin ni Darth Vader si Princess Leia Organa at pilit ipapaamin ang lokasyon ng base ng Rebel Alliance. Mapapadpad sa Tatooine ang droids na sina C3PO at R2D2 dala ang sikretong plano ng bagong armas ng imperyo--ang Death Star. Magkukrus ang landas ng ermitanyong si Obi-Wan at magsasakang si Luke Skywalker matapos patayin ng Imperial stormtroopers ang itinuturing na mga magulang ng huli. Magsisimula ang Jedi training ni Luke sa ilalim ni Obi-Wan. Kasama ang dalawang droids at sa tulong ng piratang si Han Solo at alalay nitong si Chewbacca, maglalayag sila mula sa spaceport ng Mos Eisley patungong Alderaan--kung saan ay wala na silang aabutan sa pinasabog na planeta. Sa loob ng Death Star ay maililigtas nila si Leia at magkukrus ng espada sina Vader at Obi-Wan sa huling pagkakataon, kung saan mananaig ang una. Makakapuslit ang mga rebelde sa base sa buwan ng planetang Yavin nguni't matitiktikan ito ng imperyo. Mapapasabog ni Luke ang Death Star sa tulong ng boses ni Obi-Wan at sa napapanahong pagsaklolo ni Han Solo. Mapapadpad sa planetang Mimban sina Luke at Leia at muling makakasagupa si Vader, kung saan ay mapuputulan muli ng braso ang huli.



Episode V: The Empire Strikes Back--mula Yavin 4 ay lumipat ng base ang mga rebelde sa nagyeyelong planeta ng Hoth. Tulad ng inaasahan, matutunton ng imperyo ang lugar at muli silang lulusubin nito. Pupunta si Luke sa masukal na latiang planeta ng Dagobah at doon ay sasailalim sa pagsasanay ng nawawalang Jedi master na si Yoda. Doon din magkakaroon ng bisyon si Skywalker hinggil sa tunay na katauhan ng kanyang ama na walang iba kundi si Darth Vader! Datapwa't di pa tapos ang training, tutulak si Luke papunta sa maulap na planetang Bespin. Samantala, uupa ang imperyo ng mga bounty hunters--sa pangunguna ni Boba Fett, anak ng nasirang si Jango--upang tugisin at hulihin nang buhay ang mga rebelde. Magkakatotoo ang mga pangitain ni Skywalker sa Bespin: ipagkakanulo sila sa imperyo ng kaibigang si Lando Calrissian, mapuputulan ng kamay si Luke sa espadahan matapos malaman ang katotohanan mula mismo kay Vader, at dadalhin ni Fett ang iladong labi ni Han Solo kay Jabba the Hutt--kung saan ay meron itong atraso at gantimpalang nakapatong sa ulo. Susunod dito ang mga kaganapan sa Shadows of the Empire na kinasasangkutan ng organisasyong Black Sun.



Episode VI: Return of the Jedi--may unang pamagat na "Revenge of the Jedi," ginamit sa halip ang orihinal na titulong ito sa Episode III dahil na rin sa panukalang tanging ang Sith--at hindi ang Jedi--ang naghahangad ng paghihiganti. Balik sa disyertong planeta ng Tatooine, itataya ni Luke, Lando, at Leia ang kanilang buhay upang sagipin ang kaibigang si Han Solo. Matapos makatakas ang mga rebelde at mabigti ni Leia si Jabba sa sarili nitong kadena, babalik si Skywalker sa Dagobah upang tapusin ang kanyang training. Dala ng katandaan ay sasakabilang-buhay na rin si Yoda tulad ni Obi-Wan at magiging kaisa ng Force. Bago pumanaw, kukumpirmahin nito ang katotohanang si Darth Vader nga ang ama ni Luke. Bukod dito, magpapakitang muli si Obi-Wan at ipagtatapat sa kanya na si Leia ang nawawala niyang kakambal! Samantala, mag-iipon ng lakas ang mga rebelde ng Alliance to Restore the Republic upang wasakin ang ginagawang pangalawang Death Star na lumiligid sa magubat na planeta ng Endor. Matapos ipagtapat ni Luke kay Leia ang tunay na relasyon nilang dalawa, isusuko niya ang kanyang sarili sa imperyo upang harapin ang kanilang ama at ang amo nito. Sa huling pagkakataon ay magduduwelo ang mag-ama at mananaig ang anak. Nguni't sa halip na tuluyan si Vader na naputulan muli ng kamay, patutunayan ni Luke na may natitira pang kabutihan sa amang si Anakin. Dahil dito, magagalit si Emperor Palpatine at kukuryentehin ng Sith lightning ang nakababatang Skywalker. Dito papatunayan ng nakatatandang Skywalker na di nagkakamali ang anak; susugurin niya si Sidious at ihahagis ito sa kanyang wakas sa malalim na elevator shaft. Natupad na rin ang propesiya at naibalik ang balanse sa Force. Sa tulong ng mga katutubong Ewoks, wawasakin ng mga rebelde sa pamumuno ng magkasintahang Han Solo at Leia Organa ang planetary shield generator na nagpoprotekta sa Death Star, habang pasasabugin naman ni Lando Calrissian ang walang-depensang battle station. Magdiriwang ang sandaigdigan at tatakal sa takilya ang dalawang trilohiya!



Kung akala mo'y magtatapos na ang istorya sa ikaanim na pelikula, nagkakamali ka. Patuloy ang pag-ikot ng unibersong SW sa mga lathalain ng Dark Horse komiks. Nandiyan ang muling pagtatatag ng republika sa ilalim ng bagong Galactic Federation of the Alliance of Free Planets, ang pagtugis sa mga nalalabing Imperials, ang pagdating ng mga World Devastators bilang panghalili sa Death Star, ang tangkang muling pagsilang ni Emperor Palpatine sa katawan ng anak nina Princess Leia at Han Solo, ang pagkamatay ni Chewbacca, at ang pagpapakasal ni Luke Skywalker sa isang dating mortal na kaaway.





Mula sa mga unang krokis (sketches) ng concept artist na si Ralph McQuarrie hanggang sa mga "camera tricks" ng special FX expert na si John Dykstra, mga computer-generated graphics ng ILM (Industrial Light & Magic), at mga inukit na modelong stop-motion--ito'y ilan lamang sa nilalaman ng kabanatang "behind the scenes" o "the making" ng mga pelikulang SW. Bahagyang sinulyapan din ang filmograpiya ng batikang SW direktor/ prodyuser/ manunulat na si George Lucas sa nakalipas na apat na dekada mula 1965 nang una siyang humawak ng kamera.







Salamat naman sa merchandising at naging bahagi na ng buhay ng maraming SW fans/ kolektor ang mga popular na karakter at imahe mula sa pelikula. Sumagi tuloy sa alaala ang ilang nasira kong laruang SW noong '80s at ang dalawang lumang booklet-catalog ng Kenner na tanging labi ng mga ito. Bukod sa pelikula at dahil na rin sa expanded universe ng SW, patuloy na lumalago at dumarami ang mga libro (tulad nito), nobela (pati fan fiction), komiks, laruan, programa sa radyo, cartoons sa TV, (piratang) DVDs, (piratang) video games, spin-offs, at samu't saring memorabilia't collectibles tungkol dito. Patunay na ang SW "meme" o mito ay mananatiling buhay para sa susunod na henerasyon.







"Three"via: Umiinog sa numerong "3" ang anim na pelikulang SW. May dalawang SW trilogy, Episodes IV-VI at Episodes I-III. Tatlong taon ang pagitan sa pagpapalabas ng unang trilogy: 1977, 1980, 1983. At gayundin sa ikalawa: 1999, 2002, 2005. Maituturing ding pasok sa post-modernismo't masining na pagbabalik-tanaw ang huling pagpapalabas ng back story (I-III) kaysa main story (IV-VI) ng epikong ito. Bukod dito, mapapansing mala-symphony ang bawa't trilogy sapagka't maihahalintulad ang Episodes V at II sa 2nd movement ng isang simponiya--mabagal (largo) at walang resolusyon, habang sa 3rd movement o climax pa lamang magkakaroon ng sinasabing closure.

Tuesday, March 1, 2011

Terror: Keepers Of The Faith



What: "Terror: Keepers Of The Faith"
When: Wednesday, Mar. 16 at 7:00pm
Who: Bystorm, Isvarah, The Crimson Cartel, Demolition Of False Progression, Gardo, Queen City Crew, Tame The Tikbalang
Where: Center For The Arts, Timog Ave., Q.C.
How much: P400 (inclusive of 1 drink)











Mar. 21 Update: Photos by Ace Antukin, Arvin Marcial, Lente Lamuerta